Z Endinge im Städtli

                         Im Städtli mit Brinne un Gäßli un Tor
                                 un mit emeMärktplatz sit vil hundert Johr,
                                 mit Kirchtirm un Glocke üs üralter Zit,
                                 mit Hiser un Wappe, wus küm nomol git;
                                 do griaße dich d Sänger im Chor,
                                 im Städtli mit Brinne un Tor.

                                                            Wu d Rebberg dich locke bis d Sunne sich neigt,
                                                             wu s Kirchli dert obe zuam Himmel nuf zeigt,
                                                             wu d Bliahtepracht ufweckt e liablige Sinn,
                                                             uns froh macht un Hoffnung fir herbstlige Gwinn:
                                                             I kumm mer so glicklig dinn vor,
                                                             im Städtli mit Brinne un Tor.

                                                             Un wenn i im wigriane Städtli dinn bin,
                                                             do gspiir i e heimelig-zfriede Sinn.
                                                             Vil Alti sin gange, no Mänki sin do
                                                             un vil vu der Junge sin wider eso.
                                                             Im Wi sin si trei, des isch  wohr,
                                                             im Städtli mit Brinne un Tor.

                                   Mer wisse aß s allerletscht Kriagli mol kunnt
                                   un grad wege dem ghert is jedi guat Stund.
                                   Mer trinke, sin luschtig un hän halt e Fraid,
                                   wän d Fräu oder s Maidli uns gern het un sait:
                                   Sei, liab, bhalt dr Durst un Humor
                                   im Städtli mit Brinne un Tor.